Kondor-projekto: kvara prototipo
2004-05-22
Du ŝtalaj tuboj kaj du malnovaj porinfanaj bicikloj estis la materialo el kiu konstrui la novan kvara-prototipan bumon.
2004-06-01
Mi decidis utiligi la krankŝaftujon el unu el la bicikloj, kaj ties sidiltubon por bolti la tuton al la bumo.
2004-06-02
Post pli ol 700 km, la tubo plifortigiganta la horizontalajn tubojn malgluiĝis. Ĝi plu efikis, sed indis ripari aŭ anstataŭigi ĝin per alio malpli peza.
La suban parton de la dorsapogilo neniom utilis, do mi eltranĉis ĝin. Fote rimarkeblas la diferenco.
La dorsapogilo nun altas 9,5 cm malpli (36 cm alte kaj 20 larĝe) kaj pezas 87 gramojn malpli.
Por malmoligi la dorsapogilan remburaĵon mi uzis la jam en la sidilo uzitan materialon.
La tuta dorsapogilo, kun la sidilstango, pezas nun 1452 g.
Postulis grandan laboron tio, disigi la krankŝaftujon kaj sidiltubon disde la cetera biciklo.
Sur la bumpinto sidas la peco kiu ĝin anstataŭos.
La eroj de la nova bumo pretaj por farbado kaj boltado.
Iom poste, mistruo ĉe unu el la ŝtalaj tuboj devigis min uzi aluminiajn tubojn anstataŭe.
2004-06-20
La nigra tria-prototipa bumo, damaĝita kaj iom kurbigita, apud la nova, neboltita, kun aluminiaj tuboj kaj minie farbita.
Por ke la buma tubo ne kunpremiĝu kiam boltita inter la aluminiaj tuboj, mi plenigis ĝin per lignaĵo; antaŭe mi detranĉis la ekstremon, pli maldikan ol la cetero.
Mi muntis la novan bumon antaŭ ol ĝin nigre farbi, por certiĝi pri ĝiaj funkciado kaj fortikeco.
Detalo pri la pernoj kunigantaj la buman ekstremon kun la aluminiaj tuboj. Malfeliĉe, la kunigo rezultis iom klina: la maldekstra flanko iom pli malalta ol la dekstra.
2004-06-21
Maldekstra flanko de la kvara prototipo.
Dekstra flanko de la kvara prototipo.
La ĉenvojo ŝajnis pli facila ol ĉe la tria prototipo. Tamen endis ĝin ĝustigi por malebligi la supran gvidtubon antaŭeniĝi.
Mi provis, kia montriĝis antaŭa 20-cola rado, kion mi jam scivolis pri la antaŭaj prototipoj. Mi instalis antaŭan 20-colan amortizan forkon kaj la koncernan radon.
La unua problemo estis, ke la bremsoj ne taŭgis. Malgraŭe, mi la biciklon provis tiel.
2004-06-30
Finfine mi anstataŭigis la poziciuman rapidumilon per pli simpla senpozicia donacita de Antonio González [antonjo gonsales] (de Pedalibre). Ĝi pli uz-komfortas, pli efikas, pli glatas kaj pli leĝeras (48 gramoj anstataŭ 88). Ju pli kompleksaj tiaj ŝanĝiloj, des pli problemaj.
Mi ronde detranĉis la postajn angulojn de la sidilplato, ĉar ili vundis min dum mi balte-portis la biciklon, ekzemple ŝtupare.
2004-07-12
Post nur dekoj da kilometroj la bumo evidente cedis. Helpe de rektilo la problemo estis pli facile videbla.
Metinte sur la kvara-prototipan cedintan aluminian bumon la novan ŝtalan bumon tre bone videblas la cedon.
La kuniĝo de la bicikla framo kaj la malantaŭa ekstremo de la supra ĉendukto devas esti tre fortika, ĉr la pedalado igas la dukton iom post iom antaŭeniĝi.
La bumoj de la prototipoj tria (ŝtala) kaj kvara (aluminia) kiaj kiam anstataŭigotaj.
Detalo pri la cedo de la bumoj tria- kaj kvara-prototipaj.